يوم فراقك ، بقلمي اسلام حسان اكبر وجع في حياتي يوم فراقك ليا يوم ما عمرك خلص وايدك سابت ايديا سبتى لي ايه منك غير ورقه مكتوبه ورقه وعليها اسمك تصريح بدفن جسمك حزن ودموع في قلبي وحياتي مقلوبه سبت لي حته منك شبهك وصوره منك طباعه صفاتك حنيتك علي راحت ومش موجوده يعني خلاص هاعيش في الدنيا من غيرك صابر وهاستحمل ويا رب تكوني في الجنه مبسوطه شهيده باذن الله وربنا اختارك صحيح انت موتى وسبتى الحياه بس كفايه طيبتك وخيرك وسيرتك باقيالك كانك لسه موجوده ربنا يرحمك وهافضل ادعيلك لحد ما عمري يخلص وباذن الله في الجنه اجيلك
