حين يتغير شكل الهواء من حولك

حين يتغير شكل الهواء من حولك

بقلم/نشأت البسيوني 

حين يتغير شكل الهواء من حولك تلاقي نفسك واقف قدام دنيا مش هي اللي كنت فاكرها وتشوف ان الهوا اللي داخل صدرك بقى تقيل كأن اللحظات كلها اتبدلت في لحظة واحدة وتفهم انك ماشي في نفس الشوارع ونفس الاماكن بس روح الاماكن نفسها ما بقتش هي وان الخطوات اللي كانت بتحكيلك زمان بقت دلوقتي شبه صدى بعيد ملهوش معنى والعيون اللي تعدي جنبك بقت شايله 

اسئلة اكتر من الكلام والوجع بقى يتسرب من بين الضلوع بصمت يخوف اكتر من الصوت ويفضح الحقيقة كلها من غير ما ينطق

والغريب ان كل ده بيحصل من غير ما حد ياخد باله لان التغيير الحقيقي عمره ما كان بضجيج التغيير بيبدأ بسكوت بيهد الجدار من جوه قبل بره ويدورك على نفسك اللي ضاعت منك وسط زحمة الايام ويخليك تسأل كنت فين ورايح على فين واللي راح منك 

يستحق ولا كان مجرد حمل اتشال من على كتفك وانت مش واخد بالك ويصحيك على حقيقة ان اهم معارك حياتك كانت بتندار جوه صدرك مش في الشوارع ولا قدام الناس وفي اللحظة اللي بتعتقد فيها انك وصلت لاخر الطريق تلاقي ابواب بتتفتح من تحت انقاضك ابواب كنت فاكرها اتقفلت للابد وترجع تطل عليك حكايات دفنتها من سنين وكانت مستنياك ترجع وتواجهها وتلاقي نفسك 

واقف قدام مرايه ما بترحمش مرايه بتشيل عنك كل قناع وكل ادعاء وبتوريك نفسك زي ما انت موجوع منهك مكسور بس لسه واقف ولسه قادر تشيل اللي جاي مهما كان تقيل وتكتشف انك طول الوقت كنت بتدور على امان مش موجود في حد غيرك وانك كنت مستني كلمة من بشر مشغولين بانفسهم وانك تجاهلت قلبك اللي كان بيقولك ترجع لنفسك الاول تكتشف انك محتاج حضن يطمنك 

مش عشان تكون قوي لكن عشان ترتاح ومحتاج لحظة تصدق فيها انك بني ادم مش لازم تبقى قوي طول الوقت ولا لازم تخبي ضعفك لان الضعف مش سبه الضعف علامة انك لسه بتحس ولسه قلبك ما ماتش ومع كل ده تكتشف الحقيقة الكبيرة انك ما كنتش محتاج حد يمسك ايدك قد ما كنت محتاج تمسكها انت وان الدنيا ما بتتغيرش فجأة لكن نظرتك هي اللي بتتبدل كل مرة بتنجو فيها 

من وجع وتطلع منه باشكال جديدة اهدى اصبر ابين وفي اللحظة دي بس تعرف ان الهوا اتغير لانك انت اللي اتغيرت وان اللي كنت فاكره النهاية كان مجرد بداية جديدة بملامح مخيفة لكن صادقة

وفي الاخر تدرك انك مهما تهت ومهما اتكسرت هتفضل تلاقي اللحظة اللي روحك فيها تقولك قوم لسه فيك حياة تستاهل تعيشها ولسه العالم مكان واسع يكفي وجعك ونجاتك وان اللي انت فاكره 

سقوط هو نفسه اللي بيعيدك توقف من اول وجديد وان الحقيقة الوحيدة الثابتة هي ان الدنيا ما بتتغيرش انت اللي بتشوفها بعيون جديدة كل مرة بتنجو فيها

حين يتغير شكل الهواء من حولك