شريط الاخبار
قصيدة : الحلم
قصيدة : الحلم
بقلم اسلام غلاب
قصيدة : الحلم
هو واقع ملموس في خيالنا
بنعيشه وبنتوه جواه
وبنفكر فيه علي انه حياة
وبجد الحلم المرادي
هي واقفة هناك بعيدة
جمبها كتير لكن وحيدة
عينها شاردة فى المكان
وباينة مخضوضة وحزينة
ويبان ضي عينها فينور الكون من خلاله
وهو كان زيها بيخاف من الحب وبيهابه
وكان دايما يتنكر لو يوم دق وجاله
وبرغم إن ِبيبَان القلب كانت مقفولة
كانت هي المفتاح
من يوم قلبه ما شافها ..
اطمن وارتاح
فلو يوم قلبك قالك حبيت ورديتي آمين
فالقلب المستنيكي حزين
القلب المستنيكي حزين
فقولي إنك ممكن تيجي ولو بعد سنين
لأني أنا هفضل مستنيكي
ومهما تزيدي وتعيدي
هتكوني ليا وهكون ليكي
فبلاش نلعب مع بعض
لعبة مين فينا هيجي الاول
أو مين فينا هيكسر حاجز الكلمة الاولي
لو لفظ بحبك يعني هزيمة
فانا مستسلم وبحبك .. وانا الكسبان
بنت بتشبه لأغاني زمان
بنت قبل ما توصفها تقول كان يا مكان
وأنا مش عاصي إن أنا حبيت
القلب بينبض لا إرادي
وأنا لو كنت قدرت زمان
فأنا مش هنسي المرادي
وانا لو ليا نصيب أحسن
فانا لا مش طمعان غير فى العادي
إنتي وبس …
انا بعدها هتحول إنسان تاني
إنتي وبس
محتاجها حلالي وأم عيالي
أم لأحزاني وأوجاعي
بنت حاططها في بداية أحلامي
يارب العمر يعدي بسرعة
ويجي اليوم اللي أكون وياكي
وأصحي علي إيديكي
وعيني في عنيكي
وافتكر حزن زمان وأضحك علي نفسي
والومك علي إنك مجتيش من بدري
وأنزل شغلي فتقولي متأخرش
العمر اللي بيمشي مبيتكررش
وأصحي من الحلم وأخاف
اخاف ليكون الحلم حلم وبس
وأعيشك واقع في خيالي وبس
وابنيلك أسرة ودنيا وبيت
وابص عليك الاقيك مشيت
أنا كنت مقرر والله إني ما هحب
لكن أحيانا أو علطول القلب ميعملش حساب ويدب
فاعذريني لو بان حبيبتي حبي ليكي علي إنه نزوة
أو شوفتي إني واد فلاتي وفى كل فترة يغيرله واحدة
وأعذريني لما ببص ليكي وأنا ببتسم
ومتفهميش من هزاري إني عايز اترسم
ولو ينفع تديني فرصة يمكن ساعتها أتفهم
قصيدة : الحلم
