نقطه من اول السطر تغير القبلة

نقطه من اول السطر

تغير القبلة

بقلم د/حماد مسلم

سؤال اسأله لنفسك ..هل انت من تغيرت ملامحه..؟ او تغيرت قبلته بالبلدي تخليت عن فكرك ومبادئك عايش علي مثل عاش الملك مات الملك فين افكارك فين مبادئك فين انسانيتك فين وفين حاجات كتير لاحصر لها السؤال علشان ايه تغير فكرك سواء كنت مؤيد او كنت معارض فالانسان الذي يغير من فكره ويغير من مبادئه سهل جدا يغير من عقيدته احترم من ثبت علي مبادئه سواءا معارض او مؤيد فالمعارض ينظر للمؤيد خائن وينظر المؤيد للمعارض خأئن …

عزيزي القاريء في ايامنا رأينا العجب ورأينا متعددي الوشوش والالوان والعجيب في الامر انك تجد المتلون او بمعني اخر من افكاره متلونه ولا يثبت علي مبدأ بمعني لا تعرف له مله ففي حياتنا الان الكثير من لا نعرف لهم مله يتلونون مثل الحرباء وخاصة في تلك الايام تجد اعداد ليست بالقليلة من تخلوا عن افكارهم ومبادئهم اعداد لا حصر لها تسأل الواحد من دول ده رأيك يقولك ياسيدي مشي حالك ياسيدي جاري الموقف والشاطر انك تطلع كسبان ومش مشكله مبادئك تأخذ اجازه وبلاش وجع دماغ فهناك من باع ضميره واصبح فاسد وهناك من تخلي عن فكره من اجل الكرسي وهناك من تلون من اجل ان يتصنع الوطنية وهناك من تاجر في عرضه وهناك من انبطح ارضا واذلال نفسه من اجل وظيفة ياساده تغير القبلة بمثابة كفر لعقيدتك وبمثابة فقدانك انسانيتك فمن الاشياء المخجله ان نري المخنس اصبحوا مخنسين لا حياء ولا مله فمن الاشياء المخجله انك تجد من يتاجر بعرضه من اجل وظيفه او من تخلت عن عفتها وتسهيل الرزيله والعجيب يطلقون عليها مجاملات خليك متدمدن و متحضر متخلكش قفل …قولي ياسيدي انت مين في دول تخليت عن ايه ام انك مازلت تحتفظ بانسانيتك وبفكرك ومبادئك لا تتغير ولا تتغير قبلتك مهما كانت الاغراءات علي اي حال دوما نجد.الاغراءات تزغلل العين وتمليء الجيوب بالمال وياسلام لو ليك حساب بنكي ورزق بينزل عليك زي المطر علي العموم اذا كنت انسان مش متحضر وقفل ولسه علي مبادئك ومش عايز تتغير انت في نظر المتلونين قفل وفي نظر اولاد الاصول اصيل..

….الخلاصة

انسانيتك نعمه رزقها الله لك فعندما يوسوس لك الشيطان تأكد انك تخليت لبعض من انسانيتك لتعود عليك طاعة الله وتعود علي ماخلقت من اجله

…….فيتووووووو

مفيش حاجه تجبرك.علي التلوين