القياده الناجحة # الرئيس القائد عبد الفتاح السيسي
بقلم محمد حجازي
خلال عشر سنين اسـ..رائيل بتقول ان السيسى الراجل بتاعها داخل مصر.
عشر سنين يبني في طرق وكباري.
عشر سنين الاقتصاد بينهار وهو عمال يستورد أسلحة ويبني قواعد عسكرية واحنا نقول ياعم حرام عليك مش عارفين ناكل.
عشر سنين يقول الأمن أهم من الأكل واحنا نتريق عليه.
لكن
الكيان بيقول دلوقتي إن السيسى خدع الأمريـ كان وحسسهم انه بتاعهم وهو بيطور الجيش بشكل غير مسبوق استعدادًا لأي مواجهه.
عشر سنين يبني بطرق وكباري ربط البلد كلها ببعض لدرجة ان المسافة من سينا الي القاهره بقت ٣٠٠ كيلو ربط شمال سينا بجنوبها عن طرق أنفاق وكباري ربط شرق القناة بغربها ودي أول مرة تحصل من بعد حرب ٧٣.
عشر سنين الاقتصاد كان بينهار وهو بينوع مصادر الأسلحة مرة الصين مرة روسيا مرة فرنسا عشان لا يعتمد على أمريكا فقط.
فهمت معنى كلامه لما قال الأمن أهم من الأكل لما شفت تهديدات ترامب اللي كلها صعبه وكان الرد في منتهى الحسم مافيش تهجير واللي عايز يجرب يقرب.
الجيش بتاعك دلوقتي موجود في المناطق المحظورة في سينا غصب عن اسرائيل وأمر. يكا .
الاف الجنود والمعدات موجودة في رفح.
واشنطن تجيب ورا تقولك مش عايزين مواجهة معاكم.
اسرائيل تبعت رسايل انها محافظة على معاهده السلام.
الراجل دا أثبت فعلاً انه رجل مخابرات ومش سهل ابدا.
دي لحظة توحيد الصف خلف القيادة السياسية.
وفعلا كلامه صح الأمن أهم من الأكل ومتأكد ان اي انسان عاقل بعد ما شاف اللي حصل من إسرائيل لازم يتأكد أن
الأمن أهم من الأكل
تحيا مصر تحيا مصر تحيا مصر
