زجل قصيد باللهجه العاميه اللبنانيه
……………
حب وعشق
درب الهوى صرت روز
فكر وحلل وفكفك الرموز
لقيت الحب قصر كبير
مزيَن بِلولو وحجر فيروز
وبستان مغطىٰ بالزهر النضير
وعطر معصور بقلب كوز
وحفيف يحضن ضفاف الغدير
وحرير مطرز بالجمر مدروز
بياع الحب ما عندو ضمير
همو بزهرة العمر يفوز
مشتاق متل طفل الصغير
بيزحف عاركابو متل العجوز
بتسألوا عشقان بيقول كتير
وبتحب بيقول بالقلب مكنوز
وبصير يرفرف بجناحوا يطير
لما يشوف قداموا بَريق لكنوز
قالوا شرحلنا بالقلب البصير
قلت هوى نيسان غير تموز
الحب غير عشق الأسير
الخلط بين التنين ما بيجوز
قالوا أنت قلبك وين بصير
قلت الحب طلقتو بلا رجعه
وعشقان وطن قلبي إلو محجوز
………….. ……………
بقلم الأديب والشاعر يوشع علي إسماعيل
