بياع فول
لمحته هناك من الشباك
يعبي الفول
وهمه يعيش ولقمة عيش
يروح بيته يكون مجبور ومش مكسور
ووشه ياناس رضا واخلاص
وفجأة هناك جت بلدية
ومتعرفش مبيته إيه فى النية
ويصرخ الغلبان
يا بيه يا بيه ده حبة فول
وأنا غلبان ومش مسئول
هعيش إزاى وخاف من دعوة المظلوم
أنا راضى أبيع ولو ببلاش ومش هرمى عليك اللوم
خلاص سبنى طب أروح يا مسئول
ونظرة خوف من الغلبان على رزقه
وشدة أيد وقسوة من أللى كان ماسكه
خلاص كده شكرا
شكرا يا مسئول ده حبة فول
بقلم ياسمين مجدى
