براءة طفولة . كانت صغيرة والبراءة بحكيها وبسمة خدود مطعَّمة بلون النّهار . وعيون يا ما احلى اللون بعيونها حتى الموج لما التقاها غار . وإن هدِّتِ الأمواج حدّ الجِرف بمدّ وجزر بيمشي ألف بحّار . والرّمش كل ما تحرّك بغمزة بتكشف بغمز عيونها أسرار . ضلّك هيك ما تغيّري النَّظرة في تحت أسرارك ألف إعصار . حاولتْ مرّة أعرف السّر الخفي ضيّعت بين عيونها وحب المحار . تذكّرت إنو قلبنا بعدو حنون والحبّ أجمل حب ونحنا صغار . بهيكي عمر بيضلّ إسمو حب بس الزمن من قسوتو غدّار . خواطر لغة المساء. شعر مهدي خليل البزال . ديوان الملائكة. 21/9/2023.
