قط الست

قط الست.

بقلمي/السيد حسن.

(فتحي ابو طاحون)

هيا ناس بنت تيت.

ماتجيش غير بالعين الحمرا..

المفتح فيها عبيط.

والغولة عيونها جمرة !!

قاعدة وساكنة ف كل بيت.

مافردت الشبك و الخيط..

مستعدة ليك ف حرص.

خبيثة جاية وجايبه فيرس..

إللي معاها راح يعيش.

أما إللي عليها حيموت ؟!

ومالوش وياها أكل عيش.

مكانه العشة يا كتكوت!!

ليك الحرية إنك تختار.

ياتعيش ف الجنة أو النار..و

قط الست شرس غدار …

غتوتي ومابيعرفش هزار….

بانيلها بدل القصر قصور ،

عايز تفنيهم يااخي غور ..

دى لااتهنت ولا فرحت بيهم.

ولا شافت كده من قبليهم..

بتبخرهم و بترقيهم…

من عين الحاسد يحميهم….

لو حتى بدم ماية وعشرين مليون مقتول.

إيه يعني ما القاتل ف الآخر مجهول؟!

حتسقف لينا غصبن عنك،

مهما قالولك دول أو دول؟؟!!

أنا راح اسيبها لما أموت.

لما القطر عليا يفوت..

داانا لسه بخيرها مااتهنتش.

والست كمان لسه مافرحتش..

إن شالله لو حتى أنت تجوع.

٣٠سنة لسه ما مروش،،

مش صابر ليه على إيه مفجوع؟؟

ماطول عمرك متهان مسروق.

إيش معنى عليا جي تفوق؟!

أهدى ويايا شوية وروق..

لا أنا آخر ولا اول صندوق….

أسود مقفول حيفتحه مفتاح أو حد.

دا العالم كله كان يتهد..

أرجع للماضي على إيدك عد…

كام حكاية سألوا فيها ماحدش رد ؟!!!

بقلمي

السيد حسن

(فتحي ابو طاحون،)قط الست