كل ماكان الدم
جديد.
يفضل طول عمره
الجسم حديد..
مع بعض حنقدر
بالتجديد…
مش بالشعارات و
لا بالتبديد…
الفكر صحيح
محتاج يتغير.
والكرسي دايما
عمره قصير..
علشان المركب
تفضل ماشيه،
غير كل كبير و صغير….
يوضع سره ف أضعف
خلقه وليه لأه؟
والا أحنا مش فالحين غير
ف الكشري بالدقة؟؟
قالوا زقو زقينا يجي
ميت مليون زقة؟؟!
كانت النتيجة جوعنا و
اتعرينا وبعنا الشقة؟؟!!
اصبحنا سلعة
ملهاش قيمة.
الكل بقى
يتحكم فينا..
وضربونا على
راسنا بالقديمة.
يابني انت وهو
خد بالك،
الشعب المصري
لا فريسة ولا غنيمة.
على قد مابيحب و
يعشق يتحول…
بيسيب الحبل ويعمل
فيها عبيط…
شعب لئيم مايبنش
لئمه ف الاول..
بيداري ويمشي ف
قلب الحيط…
ولما بيعلى الموج
حواليه؟
يكفيك شره يحارب
بطوب البيت!!!
أصله رذل جدا
جدا جدا وغتيت!!!
لو اتحديته حتندم و
تقول ياريتني ياريت?!!!
بقلمي
السيد حسن.
(فتحي ابو طاحون)
