فى حديث الذكريات كلمه صورة نفتكرها ساعات وساعات ممكن نعشها ذكريات لكن بنرجع تانى نقول عمر فات
مسافر فى زمن فات
. ( 2)
ركن هادى ونور ضعيف
السكون والليل شكله مخيف
افتكرت انى ناسي نفسي
حتى نفسي نسيت تنادي
يمكن تكون نفسي فاكرة
ولا نفسي خلاص مبقتش فاكرة
وسط فكرى لاقت بابى خبط
جربت فتحت طبعا مرحب
نفسي قالت شفت صورتك
قلت صورتى عقلى ملخبط
قالت صورة حفيدهي صورتك
يوم ماكنت حفيد فى حضن جدك
يومها الاسبوع فول سودانى
والحلاوة ملبن وحمص ملفوف بسكر
الحريم يغنو والهون بيضحك
غربال بيجرى ودعوة تجرى وتكبر
اطفال حارتنا فرحانين بشمعنا
يارب تكبروبكرة تبقى زينا
فاكر ابريق ورودة ملونه
والصنيه وسبع حبوب متحصنه
من عين حسود رشوا ملح فى حينا
بصراحه الكل جه يبارك لنا
فاكر كمان لف بيك عالبيبان
كان زمان عادات راحت مننا
المهم جريت سنينك وسطنا
كانت الجيران هى اهلنا
عنوان حارتنا اهلا ومرحب
البيوت كانت بسيطه
والقلوب كانت عميقه
الجيران قلوبها صافيه
لسه عيشين منها بدعوة
فجأة نفسي قالت سلام
قلت لسه فكرينى كمان
قالت مرة تانيه سبني انام
حتى لاقت النوم فى عيني
بكرة يانفسي فكرينى
رجعت تانى لنفسك المكان
سبت هنا ك. الزمان والمكان
بس هرجع اسافر تانى
اسافر لزمان فات
مع تحياتى
محمد محمود عبد الدايم
مسافر فى زمن فات
