(امنيات على اطراف الإنتظار)
بتاريخ 14/5/2025
قصيدة (امنيات على اطراف الإنتظار)
بقلم الشاعر المصري أحمد إبراهيم النجار
وبرجع ليكي مشتقلك
وبحضن فيكي أحلامك
أنا العاشق جمال حسنك
وأنا المكتوب علشانك
يا قصة حب مرويه
بحنان قُربك
يا ساكنه البال ولا غبتي
ولا غايب على بالك
سحرتيني بجمال وصفك
جمال وردك
وعطرك فاح فى بستانك
وآه منك
وآه من رمشك السارح
على ننك
وسهم عيونك المارق
وأنا السالك على دربك
على مهلٌي على مهلك
ونظرة حب من عينيك
وأنا العاشق وآه منك
جمال رمشك
ونظرة ننك الأخضر
وآه من ثغرك السكر
وآه من كل تضاريسك
وأركانك
حبيبتي ليكي بكتبلك
قصايد عشق فى غرامك
أنا العاشق وأنا المكتوب
فى أوراقك
وأنا على ننك الأخضر
أنا الغارق
يا أجمل شئ ومكتوبلي
وأنا الساكن على بابك
وأنا روحك وأنا قمرك
فى وقت العتمة أنوارك
فى وقت الغربة أوطانك
نشيد حبي بيحكيكي
بلادي بلادي
بعيش دايب فى أحضانك
ويعلى الصوت فى أوتارك
يا إسم جميل حروف م النور
هنا ف إسمك
بمعنى الطُهر ولإسمك
أنا العاشق وأنا الحابي فى مشوارك
على مد البصر شوقى
بيوصلك بشوق مادد
وبسكن فيكي يا وطني
وأجمل وقت فى زمانك
سنين م الغربة متغرب
بعيد عنك
لقيت نفسي بتتبسم
فى يوم قربي
هنا ف حضنك
وعطر الطيب فى أزهارك
كتبت ليكي أشعاري
على ورقك
غزلت ليكي مشواري
ورود عطرك فى مشوارك
ولسه الشعر ماخلصي
ولا خلص الكلام منى
أنا بحر حروف م الشوق
ولهفة روح بتشتقلك
وآه من عطرك الفايح
فى بستانك
أنا الدايب وأنا العاشق
وأنا ف وقت الشروق شمسك
أنا الفارس وأنا الحارس
جهات حصنك
ده أنا ف الليل
بكون قمرك
أنا المكتوب أكون ليكي
وأنا قدرك وأنا المالك
جهات قلبك
برغم البعد والمسافات
أنا جنبك
برغم البحر والأمواج
أنا شراع الأمان واصل
على شطك أنا منك
أنا قلبك أنا روحك
وأنا الفارس على دربك
برغم الليل هنا الساكن
على غُصنك وأنا الحارس
على بابك
برغم الحِيرة واللهفة
فى شوق ننك
على أطراف دروب عِشقك
أنا واقف ومستني
يلاقي حضني يوم حضنك أمنيات
على طرف الدروب عاشق
ومين غيري مجنونك
ومين عاشق ورود عطرك
ومين ساقي حنين وردك
ومين قدرك ومين مخلوق علشانك
يا بستان العطور زايد
كتير زايد بالجمال حسنك
ولسه ليكي هكتبلك
ولسه بشوقي بندهلك
بحبك وبحلف إني عن حُبك
ماهتغرب ولا باعد أنا العاشق لأحضانك
بقلم الشاعر المصري أحمد إبراهيم النجار
(امنيات على اطراف الإنتظار)
