أنا مين
عادل محمود
أنا غنوة في فيلم حزين
أنا عتمة في عز الليل ّ
أنا ورقة في قاع النيل
أنا ضحكة طفل يتيم ّ
أنا حر وقلبي سجين
أنا بهرب من جوايا
أنا ألف حكاية وحكاية
أنا قارب وسط الموج
بصرخ من غير صوت
أنا ميت عايش حي
أنا جرحي ملهوش زي
أنا عاجز بمشي واخطي
أنا لسه حكايتي حكاية
أنا فائض باقي من فرح
أنا غنوة اه وجرح
أنا قلبي طريق مسدود
عايش من جوه بموت
أنا صوتي سكوت في سكوت
أنا وسط الناس مش باين
أنا فات بيا زماني
تائه من خوف أيامي
مبسوط من جوه بعاني
أنا مين
