عنك هاتوب
#جريدة_موطني
كل ما أقول عنك هاتوب
وأريح قلبي وبالي
أرجع تاني تاني أدوب
وأشتاق وأحن لك تاني
ياريت حبيبي تعلمني
إزاي قلبك بينساني
وبسهوله كده تهجرني
يمكن يهدا حنيني
وأبطل أسهر ليالي
عملت في قلبي إيه
مهما تقسى عليه
ساكن قلبه وعينيه
شايفك كل القلوب
عاشقك كل الليالي
حتى الكلمة بقت صعبة
وسؤالك عنا بقى حرام
وصار الشوق في جو العتمة
طفل عايش مع الأيتام
هو قلبك إيه جراله
عايش الفرح بعذابي
عايش الحب عتاب وملام
بعد ماكان شهد وغرام
إيه بس غير قلبك
وفين وعودك لى يا غالي
