اول لُقانا
اول لُقانا كان هنا
يومها عشقنا بعضنا
نفس المكان ده من زمان
كنا نعيش فرحه وأمان
مين فى الوجود كان زينا
كنا بنمشى ايد فى ايد
واليوم يفوت وكأنه عيد
حتى فى لحظات الفراق
كان الحنين بيضُمنا
دلوقت جاي تشكى ليه
ويفوت زمان نبكى عليه
لو تضحك راح يجرى ايه
عود بقلبك للى فات
وفكرى فى الذكريات
ده انتى حبيبي مهما كان
ومعاكى بشعر بالأمان
لو لسه فى قلبك حنين
راح ترجع لنفس المكان
دعاء نور
