متزعليش ياما
بقلم قليوبيه. بقلم سوزان عادل
….معرفتش ارجعلك زي الاول
متحزنيش ياما …رجعتلك ناقص إيد وناقص رجِل
😔 ما يصعبش عليكي ياما…اصل الكمال لله وحده
متعيطيش ياما …علشان صندوقي فاضي وملخلخ
😭 ما تصرخيش ياما…علشان مكنوش عارفين يحطوني ناحيه الشرق …عند الهيكل..أصل راسي مش موجوده
😪 ما تنوحيش ياما…إنك معرفتيش تشوفيني اصل مليش ملامح …
متزعليش ياما..رموا قلبي في الميه…اصل دا كان نهر فياض بالمحبه والخدمه …
ما تندبيش ياما لما قالولك دفعوا الفديه..ولقتيني جاي من غير ديه…
😲 بس إفرحي ياما..علشان حطوني علي صليب رب المجد
إفرحي ياما …علشان بعد الصليب قيامه ..
إفرحي ياما …لاني بقيت بجسد نوراني ورب المجد بنفسه كللني…
إتعزي ياما …مارمينا استقبلني..اصلك سمتيني علي إسمه
إتعزي ياما …الدنيا تراب وهتخلص والاهم هنتقابل في السما
