صوت الضمير
عادل محمود
قدرت ياإنسان
تطلع للقمر
وتتحدي المكان
لكن ماقدرتش إنك
يكون جواك إنسان
يحس بالآمان
ماعادش فيه آماني
ولا حِلم في الأغاني
لا زمانهم زماني
ولا صبري له حدود
إيه ذنب طفل بينولد
في زمان مليان حروب
إيه ذنب أم بينسلب
منها رمز الوجود
ليه مانشوفش الحقيقة ؟؟
ليه نظلم روح بريئة ؟؟
ولآ قلوبنا الرقيقة
دبلت زي الورود
وسط الدمار في الكون
صوت الضمير موجود
واما لغتنا تكون
هي لغة البارود
من حقي أحضن ولادي
من حقي أصرخ وانادي
أنا ليًا حق الوجود
أنا ليًا حق الوجود
صوت الضمير
