صمت القلوب
بقلم/نشأت البسيوني
في عمق كل قلب فيه قصة ما حدش يعرف عنها حاجة قصة صمت وألم وذكريات مكتومة وأحلام ماتت قبل ما تتولد وفي قلب الإنسان ساعات صمت مش بس سكوت ده صرخة مكتومة بتتنفسها كل نفس بتاخده كل خطوة بتمشيها كل لحظة بتعيشها صمت بيعلمك الصبر صمت بيعلمك القوة صمت بيكشفلك مين حواليك مين واقف جنبك ومين ما يستحقش إنك تهدر له كلمة أو
دمعة أو لحظة اهتمام في الصمت ده بتكتشف إن الحياة مش دايما عادلة وإن اللي بنحبه ممكن يجرحنا وإن اللي نثق فيه ممكن ينسينا وإن اللي كنا حاسين إنه سند ممكن يكون السبب في انهيارنا وبتعرف إن اللي ضاع مننا ماكانش ضياع خالص ده درس واللي اتأخر كان بيجهزنا للصح واللي خيبنا كان بيعلمنا نعرف نقيم ونختار ونعرف نميز بين اللي ليه قيمة واللي مجرد مرور عابر الصمت
ساعات بيبقى ملجأ وبيرجعلك نفسك وبيرجعلك قوتك وبيرشدك للطريق الصح لكن ساعات بيبقى زنزانة بتضيق عليك وكل يوم بتحس فيه إن قلبك بيتحرق من الداخل من كتر الحزن ومن كتر اللي مش قادر تعبر عنه ومن كتر الخيانات اللي شفتها ومن كتر الأحلام اللي راحت من غير ما حد يهتم بيها أو يحاول يفهمك ومع كل لحظة صمت بتعرف إنك محتاج تصرخ حتى لو مفيش حد
هيسمعك لازم تصرخ جوه نفسك وتواجه وتتحمل وتكمل وتمشي
في الصمت ده بتعرف قيمة نفسك من غير ما حد يقلك قيمتك بتعرف إن الشجاعة مش بس في الكلام العالي أو القرارات الكبيرة لكن في القدرة على الاستمرار وسط الألم وسط الخيبة وسط الناس اللي ما تعرفش تقدرك أو ما تحسش بيك وسط نفسك اللي بتتعب من كتر المحاولات ومن كتر اللي مش مستاهل وفي الآخر بتكتشف
إن كل صمت وكل لحظة شعرت فيها بالوحدة كانت تجهيز لقوة أكبر كانت بناء لروحك كانت تدريب على الصمود كانت وسيلة تعرف مين اللي ليه مكان حقيقي في حياتك ومين اللي لازم تسيبه يمشي وتتركه يمشي لأنه ما ينفعش يكون جزء من حياتك
الصمت ده علمك إن اللي جوه قلبك هو اللي الأهم وإن صوتك الداخلي هو اللي يقدر يوجهك وإن مش لازم كل الناس يسمعوك أو
يفهموك المهم إنك تكون صادق مع نفسك وإنك تحافظ على جوهرك وإنك تقدر تحب وتسامح وتعيش وتكمل مهما كانت الظروف وكل صمت وكل لحظة وجع وكل دمعة مكتومة كانت جزء من طريقك لإنك النهاردة أقوى وأهدى وأوعى وأعرف قيمة كل حاجة حولك
في الآخر الصمت ده مش ضعف ده قوة مش هروب ده وعي مش نهاية ده بداية رحلة جديدة رحلة فيها حب جديد فيها أمل جديد
فيها وعي أكبر فيها قرار إنك تحمي نفسك وإنك تحمي روحك وإنك
تعرف مين تستثمر فيه ومين تتخلى عنه وإن كل لحظة صمت وكل وجع وكل ألم وكل هدوء كانت تجهيز للي جاي وللي لسه ما وصلش وإنك قادر تمشي وتكمل وتختار الطريق اللي يليق بيك باللي انت عايزه باللي انت تستحقه
صمت القلوب
