حين يضيع الصوت وتبقى الروح واقفة
بقلم/نشأت البسيوني
في لحظة ما حدش بياخد باله منها ممكن يضيع صوتك وسط الزحمة صوتك اللي كان زمان بيعرف يعبر ويعرف يضحك ويعرف يزعل ويعرف يطالب بحقه فجأة تلاقيه اتحشر جوه صدرك كأنه خايف يطلع وكأن الدنيا حواليك اتفقت تسكته وتخليه مطفي على الآخر وتبتدي تفكر هو في ايه اتغير فيك ولا في العالم والغريب إن الانسان لما بيخسر صوته مش بيختفي لأ بالعكس بيظهر فيه جزء
تاني عمره ما كان واخد مكانه قبل كده جزء واقف جواك ومستني فرصته عشان يحكي اللي خبيته ويحط ايده على موجعك ويفوقك من نفس الدورة اللي بترجع لها كل يوم وفي وقت فقدان الصوت بتبدأ تسمع حاجات مش كنت سامعها تسمع خيبة كانت مستخبية بين تفاصيل يومك تسمع كلمة كنت بتهرب منها تسمع احساس كنت مصمم تدفنه تحت الضحك وتكتشف إن اللي ضاع منك في
الحقيقة ما كانش صوت بس كان شجاعة كان وضوح كان قدرة إنك تقول لأ وتقول آه وتعرف ايه اللي يستاهل تكمله وايه اللي لازم تسيبه يروح والروح في اللحظة دي ما بتموتش الروح بتقف الروح بتتعلم الروح بتعيد ترتيب نفسها من أول وجديد وتفكرك إنك ما اتخلقتش علشان تفضل مكبوت ولا علشان تفضل عايش بنص إحساس الروح بتصحى لما الصوت يضيع وبتكبر لما تلاقيك ساكت
وبتفهمك إن الاستمرار مش معناه الكتم وإن القوة مش معناها إنك متتكلمش القوة إنك تعرف ازاي ترجع صوتك من تاني من غير ما تكسره ولا تضيع معناه ولما يومك يتعدل وصوتك يرجع وتحس إنك واقف على رجليك من تاني هتعرف إن اللحظات اللي اعتبرتها سقوط كانت في الحقيقة الطريق الوحيد إنك تشوف نفسك من زاوية أوضح وتعرف قيمتك من غير ما حد يحددها وتفهم إن الروح
اللي وقفت مكانك وقت ما صوتك ضاع هي اللي رفعتك وودتك لحته أبعد من اللي كنت متخيل مفيش حد صوته بيضيع من غير سبب لكن في ناس لما بيرجع صوتهم بيرجع أقوى أوضح أصدق وأقدر يكمل طريقه من غير ما يحتاج يبرر نفسه لأي حد
حين يضيع الصوت وتبقى الروح واقفة
