( غلباوى.4)
غلباوى مطلع روحى وعيني
جاى بيجرى يقولي نسيني
قلت.. عامل دوشه ليه فهمني
قال.. ممكن تسبنى وتبعد عني
قلت..عيب انت متعلم كدة مني
قال.. مش في بنا انا وانت ميعاد
قلت..انا قاعد من بدرى استناك
قال.. طب ياجدو انا جيت
قلت.. بسم الله وعلى الله صليت
جدى زمان قالى نصيحه
خليك فاكر حق جيرانك
لازم تعرف ان جيرانك ..خيلان
لما يقولوا الجار للجار
يعنى يحافظ عالسرار
وفي افراحهم وفي أحزانهم
شارك اوعاك تهرب وتقدم ..اعذار
حتى رسول الله وصاك
تحفظ دايما حق الجار
فاكر معنى حديث بيقول
أن الأمين جبريل مازال يوصيه
ويفكرة بحق الجار
حتى يقرب يكون فى الورث معاه
قالوا كمان قبل الدار
اختارالجار ساعه الجدالجار تلقاة
قال .. ياجدو صحيح سبحان الله
أنا جاري بلعب وياة
حتى لعبى سيبها معاة
لو بقيت بسكوت وياة
برضه بشاركه واكلها معاه
صح ياجدو أنا مظبوط
وانت كدة منى مبسوط
قلت.. ماشي يامالك نتقابل بكرة
بس تحمد ربك وتسبح
صلى كمان على من اصلح
واتعلمنا منه فعل الخير
اللهم صل وسلم وبارك على سيدنا محمد
الغلباوى وجدة
محمد محمود عبد الدايم
( غلباوى.4)
