الغلباوى 9
محمد محمود عبد الدايم
الغلباوى طايرحيران
في البرد تلاقيه حران
أنا قاعد متغطى وسقعان
وغلباوى جاى قالع عريان
تعالى يابنى كدة حرام
قال….. أنا بضحك تيته عايزني
تلبسنى حاجه مش عجباني
كلمها ياجدو لعشاني
قلت لها.. ياحجه سبيه يلبس
وانت ساعديه
وشويه لبس ورجعلي
قال… انا جيت لك ياجدو اتفضل
قلت… لا انا زعلان الاول روح
صالح تيته
قال…انا كنت بهزر مش ممكن.
انا ازعل تيته
انا قصدى بس اضحكها
واشوف ضحكتها فى حنكها
معقول مسمعش كلامها
قلت… اسمعها منى واحفظها
( انت وما تملك لابيك)
قال. .. الله عليك ياجدو كلمه
جميله عجبتنى بس فهمني
قلت… ابوك وامك دى جذورك
زرعتهم انت زرعوها
وبتكبر بحب قلبوهم
ويخافوا عليك حتى من توبهم
وبتكبر وبتصبح فى عيونهم ثمرة
اوعاك تنسي.. ربك وصاك
بالوالدين إحسانا
الطاعه واجب مفروض
دلوقت انا بالنسبه بالك جد
قال… طبعا ولباب اب
قلت .. .. شاطر. اهو انت عرفت
لازم تفهم انت تبقى لى ملك
قال… ياجدو أنا فاهم
والله بحبك وتيته فى قلبى
مفيش احلى مالتيته والجد
قلت… والله بندعيلك تهدي
قال… جدو يلا نحمد ربنا ونسبح
ونصلى على نبينا محمد
واسيبك انت ترتاح فى صيامك
ونتقابل بكرة
إلى اللقاء بكرة مع الغلباوى وجدة مالك
وجدو محمد محمود عبد الدايم
الغلباوى 9
