أنا شاعر
عادل محمود
أنا شاعر مجروح بكلامه
وقصايدي بتحكي عن همي
أنا شاعر ضاعت احلامه
وحبر اقلامي من دمي
أنا واحد في وسط الناس
بعاني بقاسي من الدنيا
بحلم كتير الاقي اخلاص
أنام وأصحي بحاله تانيه
بس حلمي بيفضل حلم
وفي بالي مجرد خيال
زي السما الي فيها النجم
عارف أنه مستحيل يتنال
جايز أكون أنا الظالم
ومش بعيد أكون مظلوم
مش عارف حالتي ف الدنيا
بس عارف إن أنا مهموم
سعات بسال كتير نفسي
ودايما مش بلاقي جواب
ظالم نفسي أنا بنفسي
ومدوقها بإيدي عـــذاب
أيوه أنا أنسان
محبوس وأنا السجان
ولو تسأل تقول أزاي
أكيد مش هلاقيلك رد
أنا واحد رايح جاي
أحلامه بتتهد
ومش عارف أعيب فيا؟!
ولا اعيب في الظروف؟!
ولا بحلم حلم مش ليا ؟!
ولا بيعترض طريقي الخوف؟!
أنا شاعر مجروح بكلامه
أنا واحد في وسط الخلق
نفسي األاقي الخير في الناس
نفسي أعيش باحساس وبصدق
أنا شاعر
