استغاثة عاجلة لمحافظ السويس وقائد المرور ورئيس مباحث المرور

استغاثة عاجلة لمحافظ السويس وقائد المرور ورئيس مباحث المرور

92 سيارة بيجو وميكروباص “أكل عيشها واقف”.. سرقة الركاب خربت بيوتنا

بقلم: وفاء عبدالغفار – السويس

سيادة اللواء أ.ح/ هاني رشاد – محافظ السويس
سيادة اللواء/ قائد مرور السويس
سيادة العقيد/ رئيس مباحث مرور السويس
تحية طيبة وبعد،

في البداية، نتوجه بالشكر والتقدير لسيادة المحافظ اللواء هاني رشاد على أعماله ونشاطاته الملموسة في محافظة السويس منذ توليه المسؤولية. الجميع يلمس الجهد المبذول في تطوير المحافظة وخدمة أهلها، وده اللي شجعنا نكتب لسيادتكم واحنا واثقين إن صوتنا هيوصل.

نحن سواقين وأصحاب سيارات البيجو والميكروباص خط الزقازيق – السويس، عددنا 92 سيارة، نستغيث بسيادتكم من كارثة يومية بتخرب بيوتنا وبتسرق رزقنا ورزق الركاب.

ما نعاني به باختصار
1. سرقة الركاب داخل وخارج الموقف*: عربيات غريبة بتحمل من بره الموقف وتخطف الزبون قدام عينينا.
2. مزلقان المثلث: سيارات مجهولة بتسرق ركاب منيا القمح بالكامل.
3. العاشر من رمضان: سيارات من داخل وخارج الموقف بتحمل الركاب بدون وجه حق.
4. التجنيد : نفس السيناريو بيتكرر يومياً وخط كامل واقع.

أكل عيشنا واقف. 92 أسرة فاتحة بيوتها من العربية دي مش عارفة تشتغل ولا تجيب مصاريف البيت. لفينا على كل الجهات ومحدش عارف يجيبلنا حقنا. إحنا ملتزمين بالموقف والتعريفة والترخيص، بس غيرنا بياخد رزقنا واحنا واقفين.

مطلبنا الوحيد:
تدخل عاجل من سيادتكم لمنع هذه السرقة المنظمة. حملات مرورية ومباحث مرور مستمرة داخل الموقف وخارجه، وعند مزلقان المثلث، وعند نقاط تجمع الركاب. تطبيق القانون بحزم على كل من تسول له نفسه سرقة ركاب خط الزقازيق – السويس.