الرضا والصبر
بقلم:وسام شداد
“الرضا والصبر نِعم من ربنا، فيها قوة داخلية ووعي وثقة.
أما الخضوع والاستضعاف، فده إنذار إن في حاجة جواكي محتاجة تتشاف وتتصلّح، عشان ترجعي تشوفي نفسك وتكرّميها زي ما تستحق.خليني أوضّح اكتر رضا وصبر
لما تكوني راضية وصابرة، فإنتِ إنسانة قوية، شايفة المشهد كله، عارفة إنك عملتِ اللي عليكي، ومُسلِّمة النتيجة لله بثقة وطمأنينة.
الرضا مش معناه إنك مش حاسة أو إنك مش بتتمني الأفضل…
هو معناه إنك بتقبلي الواقع لأنك مؤمنة إن في حكمة، وفي وقت مناسب للتغيير.
والصبر هنا مش ضعف، ده جلد وعزم ومقاومة راقية من غير ما تنهاري أو تفقدي نفسك.طيب ازاي اتاكد علامات الرضا والصبر: بتحسي بسلام داخلي حتى وسط التعب.
•بتعرفي تقولي “أنا تعبت” بس من غير ما تكسري نفسك.
•عندك أمل وبتخطي خطوات حتى لو صغيرة.
•بتدافعي عن نفسك وقت اللزوم، وبتعرفي تقولِ “لا” من غير ما تجرحي خضوع واستضعاف
أما لو كنتِ خاضعة ومستضعفة، فده بيكون فيه استسلام سلبي، مش نابع من وعي، لكن من خوف، من فقدان الثقة، من شعور إنك مش تستحقي أو مش قادرة.
وده بيخلي الإنسان يرضى بالقليل، حتى لو بيأذيه، ويسكت عن الظلم، ويمشي على أطراف أصابعه عشان يرضي غيره.
برد اعرف ازاي؟
علامات الخضوع والاستضعاف:
•بتحسي إن صوتك مش مسموع، حتى جوا نفسك.
•بتسكتِ عاللي بيضايقك خوفًا من المواجهة.
•بتخافي تقولي “أنا تعبانة” عشان الناس ما تفتكركيش ضعيفة.
•بتلومي نفسك حتى لو الغلط مش منك.
💡عايزه تتأكدي اكتر انك ماشيه في الطريق الصح وانك فعل مش رد فعل وتصرفاتك مدروسه
اسألي نفسك 3 أسئلة بصدق:
1.هل أنا مرتاحة من جوا؟
لو في سلام، يبقى رضا. لو في كتمان وغُصة، راجعي الموقف
.
2.هل قراري نابع من إيماني بنفسي وربنا؟
ولا من خوفي من الناس أو فقدان حد؟
3.هل أنا واقفة في مكاني بإرادتي؟
ولا لأن الظروف مسكتني من إيدي وربطتني؟
الرضا والصبر
