الغدر بان
جلال محمد
كفرالشيخ
كنت نفسي
أسلم عليكي
سلام بالإيد
قبل الفراق
مش سلام
من بعيد لبعيد
كنت عاوزأشوف
الحب اللي كان
مالي عينيكي
زي زمان
لساني برده زي
ماأنا
زي زمان
وف نفس المكان
والعنوان
مش هايغيرني
وقت ولازمان
بس ياخساره
لمحت ف نبرة
صوتك
وجوه كلامك
الغدر بان
إستغربت
وسألت نفسي
هي دي ملاكي
وأميرتي
اللي حبيتها زمان؟
هي دي اللي ضيعت
عمري كله ف إنتظارها
ولنظره من عيونها
بسهوله كده يضيع
حب السنين؟
وينداس ف الوحل
بالرجلين
ياه عليك يازمن
ويا ألف خساره
ع الأيام
اللي زرعناها
ورد وياسمين
وبنيت ف خيالي
قصور
وشقيت حواليها
جسور
عشان متخافي
الضلمه
و تحسي بعنيكي
النور
ياه كل الغدر دا
ف عقلك
حرام عليكي
دا أنا كنت فاكرك
حضن دافي
وقلبك لساه
زي زمان صافي
………………….
2023/8/6
