بكرة تندم
بقلم/ ممدوح العناني
بكرة تندم
على كل لحظة
روحت فيها بعيد عني
تنتظر نظرة أو ابتسامة
أو كلمة حلوة مني
ولو قابلتك
صدفة تترجاني
وتقولي استنى
شوف نفسك
عملت إيه بحبك معايا
قصة حبك بالنسبة لي
اللي بينا خلاص
يا ريت تنسااااااه
مش فاكرة من حبك
غير الوجع والآااه
حبي إللي كان ليك
في قلبي مستحيل
تاني تلقاه
كنت قدامك
وبين إحضانك وتهملني
كنت تكلم غيري
وتنسى حتى تكلمني
وجالك قلب تنساني
وتروح لواحدة تاني
روح منك لله
أنا ماأقدرش أعيش
معاك ولو ثواني
قلبي الطيب عشقك
وكان مخلص ليك
لكن إنت غدار غشاش
وطبع الخيانه فيك
واللي عملته فيا
روح ربنا يعمله فيك
وبكره تندم
على كل لحظه
روحت فيها بعيد عني
وتنتظر كلمه حلوة
أو ابتسامه أو ضحكه
حلوة مني
