بنتي ايناس
بدري ابوخزيم
لما الحبايب يبقوا ذكرى
ولما نفتكرهم نقول دا كانوا
وكأن الزمن قفل بيبانه
مع السلامة ياحبايب مع السلامة
والله والفراق مش بعيد
قاعد معانا
شوفنا من الفراق الف وش
وش يقول أنا سيبك غصب عني
ووش يقول أنا الموت جاي في معادي
ووش شايف إن السفر حل لمشاكلي
وكله ياصاحبي فراق لبعيد
بس الاسامي متغيرة
ده مسافر ..وده هاجر..
وفيه اللي هنا انتهت قصته
سلام علي قلوب مشيت وسابتنا
كانت ميه للارض الشراقي
كانت قصه حلوه طيبه لفصص كتيير مضلمه
كانت حكايه عمرها معانا ماتنتهي ولا تتنسي
كانت البسمه اللي علي وشوشنا ترسي
كانت بياض قلوبنا صفاء نفوسنا براءة طفولتنا
كنت تشوفها تعرف ان الدنيا حلوه طيبه مطمنه
خلصت حكايتها هنا بينا بس هتكملها ف جنتها
مع النبين والصدقين هياخدوا بايدها
ومعاهم تبتدي حكايتها
يابختها وياهناها بصحبتهم
مع السلامه يااحلي حاجه ف حياتنا
بنتي ايناس
