حسام حسن أسطورة الكرة المصرية والفصل بين الحياة الشخصية والمهنية
بقلمي وفاء عبد الغفار
يظل اسم الكابتن حسام حسن محفوراً في ذاكرة الكرة المصرية والعربية. هداف تاريخي للمنتخب، قائد، مدرب، ومحلل. ولكن مع كل نجاح كبير، تظهر محاولات لسحب النقاش من الملعب إلى خارج المستطيل الأخضر.
على مدار أكثر من 30 سنة حسام حسن قدم لمصر وللكورة كل حاجة. أرقام قياسية، بطولات، وروح قتالية عمرها ما ماتت. النهاردة هو لسه موجود في المشهد كمدرب ومحلل وبيتابع وبيأثر.
لكن اللي بيتكرر الفترة دي هو الخلط بين “حسام حسن المدرب” و “حسام حسن الإنسان”. والسوشيال ميديا خلت الخط ده ضبابي جداً.
كل إنسان من حقه يدير حياته الشخصية طالما في إطار الشرع والقانون. النجاح المهني بيتقاس بالعطاء والإنجاز مش بتفاصيل البيت. حسام حسن قدم لمصر ما يشفع له عند أي جمهور بيفهم كورة.
لما الخلافات الشخصية بتطلع على السوشيال ميديا، أول ناس بتتأذي هم الأبناء. “ستره سترك” مش مجرد مثل، دي قاعدة إنسانية وأخلاقية. المنصات مش مكان لتصفية الحسابات.
الجمهور من حقه ينتقد الأداء الفني، التشكيل، الخطط. ده اسمه نقد رياضي محترم. إنما نقلبها كلام في الحياة الخاصة؟ كده بنظلم اللاعب وبنظلم نفسنا وبنضيع متعة الكورة.
احترام تاريخ حسام حسن واجب. وإداء كل شخص مساحته الشخصية واجب أكبر. اللي هيفضل في الآخر هو الإنجاز والأثر.
فلنرتقِ بالنقاش ونخلي الكلام عن الكورة… كورة وبس.
حسام حسن أسطورة الكرة المصرية والفصل بين الحياة الشخصية والمهنية
بقلم: وفاء عبد الغفار –
#حسام_حسن #الكرة_المصرية #احترام_الخصوصية
