حقك عليه
كلمات/ يوسف عطالله
حقك عليه يافن
حقك عليه ياكتاب
حقك عليه ياجريده
حقك عليه يااحساس
حقك عليه ياسهد
حقك عليه ياتنهيده
بيقولو الدنيا دى دنيا جديده
دى دنيا فانيه ومش سعيده
دا عالم آخر عدو للانسان
عدو للانسانيه
لا ياجو دى تجربه فنيه
تجربه جديده
ومن نوعها فريده
ياعنى ايه؟
ياعنى ايه الذكاء الاصطناعى
يكتبلى قصيده وكتاب
والصبح يقولوا عليه شاعر
وانا بتاع هباب
ياعنى ايه يكتبلى مقاله
وتتنشر فى جريده
واكتب اسمى عليها
ويقولوا كاتب وفنان
وانا بتاع بتنجان
قعدت امبارح مع صاحبى
قلت له انا كاتب انا شاعر
انا باكتب مقالات
هه هه قالى ابوك السقا مات
انا كاتب زيك وشاعر وفنان
وافصح منك كمان
طلع تليفون فى ايده وبص
فى عينى بصه قويه
حسيتها بصة سخريه
ايوه سخريه
وكلم الحديده وقال
اكتبيلى قصيده
واكتبلى عليها اسمى
وكمان قول الرسم
دا رسمى
والتصميم دا بتاعى
ولا اقولك ياحديد
اكتبلى ديوان جديد
واعملى فهرس ونسق
العناوين وحافظ الوزن
والقافيه بلا قافيه
وصمم الغلاف وحط
صورتى عليه كمان
تصدقوا
لا اتعمل فى ثانيه
اقل من ثانيه
وقال لى صاحبى
انا اهوه انت تطلع
مين يافنان
بلا يوسف عطاالله
بلا بتنجان
اقدر اكتب حالا
الف ديوان
دا ذكاء اصطناعى ولا حرامى
الظاهر الحديده بث فيها الروح
قعدنا نكتب فيها وباسرارنا نبوح
قعد يجمع من فكرى ومن فكرك
وقعد يخزن لما بقا اذكى
من الانسان انا خلاص
مش فنان ولا ليه تاريخ
بلا شعر بلا ادب بلا بطيخ
كله فى التوهان فى البتنجان
قالى صاحبى مالك يافنان
انت ليه زعلان سرق ايه منك
دا الذكاء سرق كل المهن
بيصنع ويجمع سيارات سرق المهارات
بيصنع سلاح بيقتل بيه الانسان
باقت الطياره بدون طيار
والكاميرا بتلف وبطير
وبتصور الغنى والفقير والامير
دا بقا صنايعى كمان بيشغل نقاش
ومبلط سراميك بيعمل كل حاجه
ليه وليك فيه منه ريبوت
بيشتغل خدام وخدامه
بيدير البيت وكمان بيزرع الغيط
وكمان فيه عرايس ياعنى الشباب
مش هايجهز ولا يتعب ولا يفرش
بيت ومش هايزرع فى الارض
ولا هايروح الغيط هايشترى عروسه من الصين
يااااه الويل بقااا ويلين
طب اقو لك يافنان
قولت له قول قول كمان
الريبوت هايقضى
على الانسان وهايحل محله كمان
لان احنا فى نهاية الزمان
لان احنا فى نهاية الزمان
بقلمى
يوسف عطاالله
