حين تتبدل المعاني
بقلم/نشأت البسيوني
في وقت معين تكتشف ان نفس الكلمات اللي كنت بتسمعها زمان بقت تحمل معنى تاني خالص نفس المواقف اللي كانت تمر عادية بقت تقف عندها وتسأل نفسك فيها كتير وكأن الحياة ما غيرتش الاحداث لكن غيرت فهمك ليها الانسان ما بيكبرش بس بالسن هو بيكبر لما المعاني جواه تتبدل لما يشوف الحاجات من زاوية ما كانش شايفها ولما يفهم ان اللي كان بيشوفه بسيط كان في
الحقيقة عميق بس هو ما كانش مستعد يفهمه وقتها وتبدأ تلاحظ ان حاجات كانت تهمك اختفت من اولوياتك وان حاجات كنت شايفها عادية بقت اهم من اي حاجة تانية وان نظرتك للناس اتغيرت بقيت تشوف اللي ورا الكلام مش الكلام نفسه وتشوف اللي بين السطور مش السطور ومع التغير ده بتحصل حالة غريبة بتبقى شايف الحقيقة اوضح بس حاسس بثقل اكبر لان الفهم مش دايما
مريح احيانا بيخليك تشيل مسؤولية نفسك اكتر وتبطل تلوم الظروف وتواجه اختياراتك زي ما هي لكن في نفس الوقت الفهم بيديك حرية حرية انك تختار بعين مفتوحة مش بعين مغمضة حرية انك تبعد عن اللي مش شبهك وتقرب للي يريحك من غير تبرير ولا خوف من نظرة حد تدرك ان الحياة مش هي اللي اتغيرت انت اللي اتغيرت والمعاني اللي جواك هي اللي اتحركت ولما المعاني
تتبدل كل حاجة حواليك بتاخد شكل جديد حتى لو هي هي نفس الاشياء وهنا يبدأ الانسان يعيش بوعي مختلف وهدوء اكبر مش علشان الدنيا بقت اسهل لكن علشان هو بقى فاهمها اكتر من الاول
حين تتبدل المعاني
