زجل قصيد باللهجه العاميه اللبناني
أنا وضميري
…………..
كنت نايم على سريري
صرت أتجادل أنا وضميري
قلي لِربوا متلك ما ماتوا
رضيت فيِّ لو على الصيري
قلي تركني وغرق بدمعاتوا
ما عادت تشبعك شقفة فطيري
الفقر هدك ولملم بِدياتوا
بقايا عمرك ونشّْف غديري
وبعدك بمعبدي بتصلي صلاتوا
وملفلف جسمي بثوب الحريري
وبعدك عاطريقي بتهدي هُداتوا
وبعد عندك عليِّ لهفي وغيري
صرخت بعدك عايش بحياتوا
لشاعر عليك دموعوا غزيري
وبعدك بجوارحي ولساني بذاتوا
لو صرت عالعكاز وعيوني ضريري
بعدك بعقلي عايش مع بناتوا
وبعدني حاملك جوهره كبيري
تركت الهوى ودرب لزّْاتوا
كرامتك حافظت عاطُهر الخميري
ضمير الحي ما غير صفاتوا
إذا البشر سكروا بوجهك البواب
أنا بعدني مشرعلك بواب الديري
…………. …………
بقلم الأديب والشاعر يوشع علي إسماعيل
زجل قصيد باللهجه العاميه اللبناني
