فرقع لوز والأرجوز
فرقع لوز ويا الأرجوز
حد شايفهم ولاعارفهم
ولا نشوف وقت ما بنعوز
فرقع لوز د اسمه النطاط
حشرة كده بتعمل حركات
كل شوية عمالة تتنطط
وكمان تعمل حوليها أصوات
زي حلنجي كلامه كتير مليان
كذب مع الحوارات
والأرجوز لعبة بتتحرك
بس بإيد بعض البهوات
ممكن ترقص ولا تمثل
لجل الشهرة والنظرات
ولا تنافق ولا تزوق لجل
المال ويا الشهوات
والاتنين شغلتهم واحدة
التنطيط ويا الروايات
وكل هدفهم نصب وسرقة
وأخد حقوقك م الباشوات
اللي يبعلك عتبة ومترو
ويعمل خصم لأول عشرة
من الحجزات
واللي يضحك لما نصدق
كل كلامهم والحركات
وصاحب الحق بيهري و يغلي
م اللي بيحصل وعمك حق
أهو سابنا ومات
بقلم الشاعر فهمى محمود حجازى
