بتاريخ 4/7/2024
قصيدة (عيد ميلادك)
بقلم الشاعر المصري احمد ابراهيم النجار
كل ثانية ف قلبي غالية
كل عام وأنت بخير
أنت قمرة فوق وعالية
بالسلام أوصل يا طير
قول لنن عيونها لخضر
إنى دايب من سنين
إنى عاشق لون عينيها
إني متشوق حنين
كل ثانية ف قلبي غالية
كل عام وانت بخير
اه يا حلم العمر كله
آه ياعطر وفاح بفله
فى دروب العاشقين
آه واه م الشوق وعشقي
يا جمال مالهوش مثيل
كل ثانية ف قلبي غالية
كل عام وانت بخير
عيد ميلادك أحلى عيد
شمس نورك يوم جديد
والربيع اللى ف خدودك
واللى طارح بين ورودك
والجمال مرسوم فى عودك
أنت قمرة بنور جمالك
احلى رمش واحلى عين
كل ثانية ف قلبي غالية
كل عام وانت بخير
يا أميرة ف قلبي ساكنه
بين حنين العشق سالكه
يا شروق بارح ما غارب
يا شراع محمي بقارب
والأمان فى حضن بحرك
والحنان والطيبة أصلك
وانتى وطني الجميل
ألف شكر فى وجودك
فى فؤادي يا بلادي
يا وطن مالهوش بديل
أنت نبضي اللى ف عروقي
يا نشيدي حبك الجاري ف وريدي
فى نشيد المغرمين
كل ثانية ف قلبي غالية
كل عام وانت بخير
نفسي أحضن نن عينك
نفسي أشرب من حنينك
نفسي ادوب فى نهر عسلك
نفسي أبوس فى يوم جبينك
يا شفايف فيها سكر
بالجمال الله أكبر
من عيون الحاسدين
كل ثانية ف قلبي غالية
كل عام وانت بخير
يا ميلاد بالورد طارح
يا جمال الرمش سارح
كل عام وانت بخير
بقلم الشاعر المصري احمد ابراهيم النجار
قصيدة (عيد ميلادك)
