متستناش حد يقولك او يرتبلك لأن القرار صح او خطأ عقابه هيكون عليك وحدك
اهم حاجة متسافرش بعيد فى خيالك لان مسيرك ترجع
واللى لازم تكتر منه فى حياتك هو الأمل حتى لو كل حاجة غامقة أتأكد انه هيجى يوم والوانها تبان
ومهما عملت اوعى تتكسف او تندم لاء أتعلم وفيد واستفيد
دايما دايما راقب نفسك واحده واحده و هدهدها ودلعها وفرحها واياااك ثم أياااك تنتظر الطبطبة من غيرك ما هينوبك غير وجع قلبك وحيرة مبتخلصش وترقب ويا ترى وحصل ايه وتفكييير وتفكير تااانى وأنشغال وتفكير تالت مش هتخلص ولا هترتاح
طول ما أنت عندك توكل ويقين وقلب وعقل بأستمرار بتحاول ترضى ربنا متخفش وقول معاك يارب
هتلقى قوة ذاتية واحتواء ربانى من غير تكليف ولا تعب
تحلى بالصبر وتجمل بالإكتفاء والثقة وان شاء الله هتوصل
