كن لبنة فى البناء ولا تكن معول هدم
كتب/سعيد ابراهيم
بعض الناس عايز يثبت لنا ان البلد دى ضايعة وفاشلة واقتصادها رايح فى ستين داهية
وانه الواد التت الفتك خبير التعليم والسياسة والاقتصاد والعملات والصحة والفضاء والذرة
مفييش اقذر من الشمتان فى وطنه وبلده ومستنى وقوعها
واللى هدفه الانتصار لرآيه وبس حتى ولو على جثة الوطن
والبعض كُرههُ وغله تجاه شخص اللى بيحكمها …..هو اللى بيحركه وبس
واللى مهما اتعمل فى البلد من انجازات وخطوات واسعة فى الطريق الصح ….بتفضل مطفية فى عنيه …وفقره بين عيونه ومفيش حاجة ترضيه ….ومش بيعترف بحاجة ولا بيشوف الا السواد
لو كرهك لشخص…كان اكبر من حبك لوطنك … فانت مؤكد عمرك ما حبيت الوطن ده
كرهنا حكم مرسي وطيور الظلام …واتمنيينا زواله فى اسرع وقت ….لكن عمرنا ما شمتنا فى بلدنا ولا اتمنينا افلاسها وانهيارها عشان نثبت صحة رآينا ووجهة نظرنا
بالعكس خوفنا عليها كان اكتر واكبر وقتها
لو حبتوها بجد ….استحالة تشمتوا او تحفروا على السواد بــ إبرة بالشكل ده وتروج الإشاعات!
كن لبنة فى البناء ولا تكن معول هدم.
#حفظ_الله_مصركن لبنة فى البناء ولا تكن معول هدم
