وطن قوى ويستحق البقاء
كتب/سعيد ابراهيم
أقوى إختبار لنجاح السيسي هو انه إتخذ إجرءات قاسية لتصليح الوطن للنهوض به وهو عارف مدى صعوبتها فى التطبيق واحنا كمان كنا عارفين تأثيرها علينا وانها ممكن توجعنا في جيوبنا ومعيشتنا وجايز كمان نعدل فى طريقة معيشتنا عشان تتوافق مع الظروف الجديدة والصعبة اللى حتقابلنا بسبب الاجراءات دى .
ورغم كده ورغم صراخ القلة المهزوزة وكمان القلة المأجورة هو بيستمر فى تطبيق وإستكمال كل قرار خده واحنا كمان بنستحمل وبنصبر بمزاجنا واحنا واثقين فى النتايج والنور اللى فى آخر الطريق .
ثقتنا مصدرها اولاً الإيمان بالله وبمجهود هذا الرجل
وثانياً انه سبق لنا ان السيسي اختبرنا واختبرناه وهو نجح واثبت لنا ان كل قرار بياخده رغم صعوبته كان مدروس ومحسوب واحنا نجحنا فى الصبر والتحمل والوقوف فى ضهره وضهر بلدنا وعشان كده عمره ما فوت مناسبة الا وشكرنا وقال شعب عظيم وباشكركم على صبركم وانتم اللى عملتم مش انا .
فهكذا تبنى الاوطان القوية بالجهد والعرق والصبر بالمشاركة والكفاح وبالنجاح
وعشان كده الاوطان القوية لو اختبرها الزمن بأزمات ومشاكل بتفضل قوية وثابتة وما يهزهاش رياح .
السيسي اختبرنا واختبرناه
واحنا الاتنين نجحنا رغم اى سلبيات نجحنا واثبتنا للدنيا كلها اننا وطن قوى ويستحق البقاء.
مصر أقوى ومهما خططوا وتأمروا وراهنوا على نفاذ صبرنا صابرين بمزاجنا وبنبنى بلدنا طول ما احنا واثقين فى اللى حط روحه على كفه من 10 سنين ولحد النهاردة بيشتغل بنفس القوة والامانة والاجتهاد .
#حفظ_الله_مصر
وطن قوى ويستحق البقاء
