الشعر
ياريتنا ما اتقدمنا
سمير الشرنوبي يكتب ياريتنا ما اتقدمنا
ياريتنا فضلنا خام
ياريتنا ما كبرنا
ولا جريت الأيام
زمان كان أحلى
أيام خير وسلام
ياريتنا نرجع تانى
نرجع تانى صغار
طيبين ولا نعانى
ومفيش بينا خصام
ولا نفوس شايله
وقلوب معبيه كلام
وتدارى وتخبى
وتقوم بشغل اللئام
مفيش ناس تحلل
حاجات كتير حرام
ولا ناس لناس تضلل
وتوسوس ليهم بكلام
يخلى الدنيا تولع
ويبقى مفيش سلام
مفيش خداع ونفاق
مفيش قلة ضمير
كان كله على وفاق
وصغير بيحترم كبير
ياريتنا ما كبرنا
ولا بعنينا شوفنا
ناس واقفه طوابير
تبيع ف ذمتها
ولا شوفنا ناس تبيع
ناس تانيه وعشرتها
ياريتنا فضلنا صغار
ياريتنا فضلنا طاهرين
منعرفش مكر ولوع
قللات ذمه ودين
يرحم زمان
وناس زمان
اللى عشنا وسطهم
