احترام النفس

احترام النفس

زجل قصيد باللهجة العامية اللبنانية

احترام النفس

 

بقصيد الزجل حطيت ثقلي

 

حساسين الشعر صارت تزقزقلي

 

عا كل غصن لساني مغرد

 

شدى الحسون واللحن زقلي

 

نغَم للوتر فكري موَرد

 

عطر للعود والذوق رقلي

 

صدح صوت الزهر ورَرد

 

لَبسني ثوب الحلى لبقلي

 

ما عندي بيت شعر مستورد

 

ولا بذوري من غير حقلي

 

من عنابر فكري المَورَد

 

زرعت منها بستان حقلي

 

أول ما خيالي وعي تنمرد

 

عالجهل.وباب الفهم ما انغلقلي

 

سيف العبقريه حدو مجرَد

 

ضربت الجبل بكفي انفلقلي

 

قلبي مع الهوى ما تشرد

 

ولا بجرح قلب بالهوى اشتقلي

 

احترمت نفسي وعليها ما بحرد

ولا بخلي الجهل يشقلني شقلي

بحكمة عقل عقلي استفرد

 

بقصيدة غزل ما بسخر ضميري

 

يا ويلي إذا قلبي غلب عقلي

 

بقلم الأديب والشاعر يوشع علي إسماعيل