عيد الأم
بتقولولي عيد لأم
أه ياعرب حالكم يغم
كل يوم موجوده فيه
ست الحبايب عيد لأم
كل حضن وأنت خايف
لك يضم
وكل فرحة من عنيها
عيد يعم
وكل ثانية تمر بيها
بين إديها عيد ياعم
هي بسمة وقت فرحك
ووقت ضيفك كون يلم
لمسه منها فوق جبينك
ويا نظرة من عنيها
تمحي عنك كل هم
دي اللي شالت واللي
حضنت واللي غزت
ولما جعت قولت مم
وتضحك الأم الجميلة
ابني فاهم معنى أم
ويكبر الطفل الصغير
وهو فاكر الجي أهم
لأ ياعم بكرة لو ما كانش
بيها يبقى غم
بكره عمره مايحلى
إلا بيها وكل لقمه
من غيرها سم
وكل لقمة من أديها
تنزل ترم
هى كانت داعية فيها
إن بالصحة تعم
وكل لحظة تمر بيها
وانت بايس راسها وأديها
تبقى أجمل عيد لأم
بقلم فهمى محمود حجازى
عيد الأم
📧 اشترك في النشرة البريدية
أهم الأخبار توصلك على بريدك.
💬 التعليقات (0)