عيل تايه

عيل تايه

عيل تايه يا ولداه

وكلنا تايهين برده معاه

كان بيسابق الدنيا بلعبه

بيجري وعمره سابق

لخطاه

نفسه ف حلمه وكل مناه

يطلع ضابط ولا مهندس

أوطيار طاير في سماه

عمال يلعب يفرح يجري

وكان الحلم ساكن جواه

عدى العمر وراكب مجري

وكل محطة كانت وخداه

لحلم غريب وكبوس أو

ورطة

وحلمه بيصرخ جوه حشاه

أنا عيشته ف حلمه الوردي

وكمان عشت الحلم معاه

ليه حسيت الغربة الوقتي

وتاه الطفل وعاش مأساه

وبعد محطة وغيرها تعدي

ضاع الطفل وكله نساه

موت الأب وكتر الكرب

خلاه ينسا حلم بناه

واهو دلوقتي لما القطر

وصل مرساه

فتح عينه بعد ماغفل

بص لنفسه وقال الأه

بس طويلة ومن حُرقتها

حرقت عمره ومن جواه

واهو مستني بجانب قبره

يركب قطره على مولاه

بقلم فهمى محمودحجازى