بتصور ايه ياحزين

بتصور ايه ياحزين

مش فارق معاك ده مين

وبتجرح في قلب حزين

ومين يبات في الدين

وأولاده محرومين

المهم إن تاخد اللقطة

وتكتر الداعمين

ومش مهم خراب للبيت

والأب يبقى سجين

كفاية وقف الحال د كان

صناعي متين

أصبح في غير الحال واتهان

من الهايفين

بيلم خرده وماله أشرف

من النايمين

مادام فلوسه حلال يحرق أبو

اللايمين

بتصور ايه ياحزين روح دور

ع التانيين

اللي ضميرهم مات عشان

مزاجهم طين

في الوحل متعاصين بودرة

وبانجو وشابو وللبودرة شمامين

اللي سرق أصحابه وخالف

مبادئ دين

وجاي ع اللي الزمن صابه

وتعمل شريف وأمين

عمر اللي خلقه ماسابه

وبكره له أجرين

أجر اللي ظلمه وهانه وأجر

يوم الدين

بقلم فهمى محمود حجازى

بتصور ايه ياحزين