الشعر
حرمتيني اكون وياكِ
حرمتيني اكون وياكِ
كلمات الشاعر محمد عبد العزيز رمضان
تحرير /منة العبد
حرمتيني أكون وياكِ
وقولتيلي خلاص أرحل
ومش فارق معاك فراق
ولا همك كمان أزعل
وياما أنا كنت بستناك
لقيت البعد بينا أطول
ونفسي بجد ابقى معاك
وعني حبيبي ليه ببتتأل
ظلمتيني وأنا بهواك
وقلتي عليا مش بسأل
أنا بحلم بيوم لقياك
وحلمي بعيد ومش اسهل
وصعب بجد إني أنساك
وطيفك عنه مش هغفل
هعدي بحور وفوق أشواك
وجوا القلب أنت أجمل
ومين جابك ومين وداك
لشط هواك ياريت أوصل
حرمتيني أكون جنبك
لقيت الحب كله كلام
ندمت بإني صدقتك
وعيشتيني في الأوهام
وفين الحب فين وعدك
نسيتِ الوعد قلتِ سلام
وكان ذنبي ومش ذنبك
ياريتني عرفت إنه منام
ووهم وحيرة من بعدك
هبيع الحب هنسى ملام
لأني شبعت من غدرك
وفقت يا قلبي م الأحلام
حرمتيني أكون قلبك
أكون ليكِ بشوق وغرام
حرمتيني اكون وياكِ
