سلعة نادرة بقلمي/فتحي ابو طاحون 24/9/2023 في حد بيلاقي حد يحبه و يتقل عليه ؟ بدل مايشيله جوا ف قلبه و مابين عينيه ؟! دا الحب بقى سلعه نادرة بقى صعب كمان نلاقيه؟!! دا انا ابيع الغالي رخيص و بكنوز الدنيا اشتريه؟!!! .. في حد بيلاقي حد يحبه و..يتقل عليه؟؟ ياابو نظرة عيون بتجنني. ارحمني داانا دايب فيك.. دى عيوني فضحاني وبتغني. على وتر الاشواق تناديك.. وانت ولا بتسأل عني.و لا عمري صعبت عليك.. طب قول لي إيه إللي تحبه، دا قلبك أنا نفسي أرضيه... ... في حد بيلاقي حد يحبه و..يتقل عليه؟؟؟ ياابو ضحكة كلها ألغاز. بتخلي قلبي بابور جاز.. ولعته وسبته على الفاضي، ليه كسرته دا انا قلبي أزاز؟! لا يستحمل بعدك ولا عندك، يا ابو قلب اطاره فولاذ ماترق شويه وسيب حبه يطلع للنور ويدفيه. في حد بيلاقي حد يحبه و..يتقل عليه؟ سلعة نادرة
