حبيب ٠٠ العمر٠٠ كله
بأعيش دايمًا في ضلّه
ما أقدرش أستغنى عنه
ده حبيبي ياناس لأنه
مالى حياتى ٠٠٠ إكمنه
مالوش غير قلبي مكان
دا هدية من الرحمن
يا رب أسعد أيامه
وعليِ وزيد فى مقامه
ويبقى نجم الليالى
وقمرها الساطع العالى
ومعاه العيشة تحلى لى
والدنيا تحلى كمان
دا هدية من الرحمن
وأكون علطول على باله
وهوايا ديما” يحلى له
وأسكن قلبه علطول
أصله حبيبي العسول
حبه فى قلبى موصول
دا حبيبي ونبع حنان
وهدية من الرحمن
ياأغلى حاجة فى عمرى
للمولى بأقدم شكرى
علشان أهدانى هدية
بتساوى ملايين الدنيا
راح أشيله جوة عينيا
وقلبي وروحى كمان
دا هدية من الرحمن
هدية الرحمن تاليف: سكينة الصولي
📧 اشترك في النشرة البريدية
أهم الأخبار توصلك على بريدك.
💬 التعليقات (0)