زجل قصيد باللهجة العامية اللبنانية
الطبيعة والأنسان
رجعي لأصلك يا طبيعه رجعي
غِلي الخير والبشر شبعي
الأخلاص والوفا زرعي بالأنسان
حبوب الحب ضلي زرعي
شجرتك نزلت من الرحمان
حتى صدق اللسان توزعي
إذا يبس فيكِ غصن التحنان
دخلك شو بعد الأنسان بتنفعي
ترابك خلق عطر للزمان
ملون بمرجان جُرح أدمُعي
فار من قلب صخرك الصوان
بحر رحمه عليه الرحمه تجمعي
من وراقك شبع الجوعان
بقلب الكواره ذهب تلمعي
وعلى غصونك خلقت الألحان
عا جرح الزمان أصبعك توضعي
شو بخبرك عن حال هالجوعان
كيف صارت البشر يمكن ما تقنعي
الإنسان صار عالحقد ربيان
وبالطمع سرق كل الكانو معي
خان الأمانه والعقل عريان
جوعان النفس كيف بتشبعي
غير وجهك ومعالم المكان
تترجعي وترجعي ماضي الزمان
بدك ثوب غش البشر تخلعي
بقلم الأديب والشاعر يوشع علي إسماعيل
الطبيعة والأنسان
📧 اشترك في النشرة البريدية
أهم الأخبار توصلك على بريدك.
💬 التعليقات (0)