تاليف: سكينة الصولي
إيه يفيد صمتي وسكوتي؟
وأنا الوجع ساكن في صوتي
وجوايا نار مش ساكتة
تحرق في قلبي و روحي
تعبت أخبي في آهاتي
وأدفن جوايا حكاياتي
وأضحك والدمعة في عينيا
وأخفي عن الناس مأساتي
أهمس لقلبي: اهدى شوية
وداري دموعك في عينيا
لجل ما يفرحوش فيّا
ولا يشمتوا فيا اعدائى
وأنت مصمم يا زماني
تزيد عذابي واهاتي
وتفتح جروح قفلتها بإيديا
وتخلي الحزن عنوان ليّا
بخبي وبداري في جراحي
وأمشي وأكتم صوت أنيني
وأقول يمكن بكرة يرضى
ويجبر بخاطري وسنيني
لكن لقيتك يا زماني
بتخطط لوجعي وأحزاني
وكأنك نذرت العمر ليا
أعيش مكسور ومفيش راحة ليا
كفاية يا زمان قسوة عليّا
ده الصبر نفسه اشتكى منّي
ولو كان السكوت
بيحكي
كان قال اللي جرى فيّا!
📧 اشترك في النشرة البريدية
أهم الأخبار توصلك على بريدك.
💬 التعليقات (0)