ظاهرة منتشره في هذه الأيام المتجوزة و هى ماشية من عند مامتها
كتب سمير الشرنوبي
– يلا ياماما انا ماشيه بقى
= طب ياحبيبتي مع السلامة .. مش عايزه حاجة ؟
– اه صحيح فكرتينى ياماما ..فكرتيني .. عندك عيش ؟
= اه طبعا
– طب ممكن اخد ٢٠ رغيف بس على ما أجيب
= 20 رغيف !
– صحيح في هنا زيت زتون ؟
= زيت زتون َ
– اه .. كنت شايفاه المرة اللى فاتت .. كنت شايفاه
= اه اه ياحبيبتي ..عندك جنب الرز
– ايه ده هو فى رز .. فى رز !؟
= اه طبعا ..عايزه رز ؟
– اه هاخد شوية بس ياماما على ما أجيب ..
= ياحبيبتي خدى … خدى الرز وخدى زيت الزتون
– طب في كمون ؟
= اه فى
– وزيت كمون ؟
= مين ؟
– ينسون . فى ينسون ؟
= خودى ياحبيبتي اللى عايزاه ..التوابل كلها عندك فى المطبخ
– طب ماعندكيش حلة صغيرة
= قد ايه يعنى
– او كبيرة . صغيره او كبيرة
= هو فى حلة كانت ..
– اه وسط ..حلوه ..هخدها .. .. صحيح فى جبنه فى التلاجة
= فى ياحبيبتي .
– بيضا ولا صفرا ؟
= بيضا
– مافيش خضرا ؟
= ياحبيبتى بيضا … بيضا
= طب فى بيض ؟
– بصى هو البيض اللى هنا
– المربى دى تين ولا بلح
= جزر
– جزر.. الله .. ده الولاد بيموتوا فيها ..
= خوديها ياحبيبتي .. خدى المربى وخدى الجزر
– طب فى بسلة فى الجزر ؟
= ايه ؟
– فى جزر فى البسلة ؟
= انتى بتقولى ايه
– فى بسلة فى الفريزر .. عندك بسلة فى الفريزر؟
= لاء فى بامية
– الله . ايه ده .بصل مبشور! .. انا اول مره اشوف بصل مبشور !!
= خوديه ياحبيتبي
– توم مدقوق ده صح .. توم مدقوق ؟
– لاء مفروم
= طب فى مفروم ؟
= مفروم !
– مسحوق ..فى مسحوق ؟
= مسحوق ايه
– برسيل
= لاء هو اللى هنا ..
– او اريال
= خوديه ياحبيتبي
– طب عايزه التلاجة دى فى حاجة ؟
= التلاجة !
– السجادة
= انا قايمة اتوضا
– هو فى مايه فى الحنفية ؟!
= انتى عايزه حاجة !!
– لاء خلاص ياماما انا ماشيه بقى ..
= مع السلامة ياحبيتتي
– صحيح نسيت اقولك
= خييير
– عايزة بابا فى حاجة الاسبوع ده ؟
= خوديه ياحبيبتي .. خوديه .. قوم معاها .
بيت الأهل ديما كله عز وخير
مهما عليت برضو حاجتهم غير…..تحياتي وتقديري لمعاليكم الساميه اسعد الله صباحكم بكل خير وسعادة يارب العالمين دمتم سالمين آمينين بفضل الله تعالى
ظاهرة منتشره في هذه الأيام المتجوزة و هى ماشية من عند مامامتها
كتب سمير الشرنوبي
