عظــــــــــــام القـــــــــبور
بقلم / محمد عماد حمدي
22/8/2023
القصة دي حقيقة وحدثت بالفعل بس احنا غيرنا الاسماء لمراعاة مشاعر اصحابها
عمرك سالت نفسك عضم الميت دا بيروح فين ؟
طيب عمرك سالت نفسك الاعمال اللي بتتعمل بعضم الميت دي بتتجاب منين ؟
النهاردة انا هقولك حاجة ممكن متصدقهاش بس انا هقولهالك وانت حر عايز تصدق صدق مش عايز براحتك
الموضوع بدا من يوم عادي كنت قاعد ف البيت بتفرج علي التلفزيون وفجاة رن تلفوني برقم جاري الاستاذ مجدي
انا : الو اهلا يا استاذ مجدي ازي حضرتك
مجدي : اهلا بيك يا استاذ محمد
انا : مالك يا استاذ مجدي صوتك حزين كدا ف حاجة حصلت ولا اي
مجدي : اها والدي البقاء لله
انا : لا حول ولا قوة الا بالله البقاء لله والجنازة امتي ان شاء الله
مجدي : بعد صلاة العشاء ان شاء الله
انا : تمام ربنا يرحمو ويغفرلو
طبعا احنا كنا بعد المغرب نزلت صليت العشاء والجنازة وبدأنا نمشي ورا الجنازة لحد المقابر وصلنا لحد القبر اللي المفروض يحصل فية عملية الدفن ودار الحوار التالي
التربي : حد يخش القبر يا جماعة يستلم مني المرحوم
مجدي : معلش يااستاذ محمد انا ضهري مش هقدر منة ممكن بعد اذنك
انا في صدمة : انا !!! انا عمري ما دخلت قبر طبعا مع ضغوط الناس اضطريت ادخل
التربي : خش بضهرك يا استاذ وخلي بالك لتدوس علي حاجة
انا : دخلت بضهري فعلا وانا داخل حاسس بالف عين بتبص عليا حاسس ان ف حد جوه قاعد باصص عليا حاسس برعب ملوش تفسير سندت مع التربي لحد ما نزلو ف جنب القبر وقالي اخرج انت بقي وانا خارج خرجت بسرعة وحصلت حاجة انا ندمان عليها لحد وانا بكتبلك دلوقتي رجلي غرزت ف الرمل وسمعت صوت تكسير انا اتصدمت كل اللي جة ف بالي ان رجلي اتكسرت
بس لا انا دوست علي عضم ميت !!
مجدي : اي دا انا مش قوتلك يا اعم حسن تنضف القبر كويس وتحط العضم ف جنب
حسن التربي : معلش يا استاذ مجدي اصل الواد الصبى مجاش انا نضفت اللي قدرت علية
مجدي : يعني ينفع كدا العضم اللي اداس علية دا مش حرام
حسن التربي : خلاص يا استاذ مجدي حصل خير ربنا عالم اننا مش قاصدين ناذي حد
انا : طيب انا اعمل اي دلوقتي انا عايز امشي منم هنا بعد اذنك يا مجدي انا عايز امشي
مجدي : مالك يا محمد ف اي اصبر هنقفل وندعي ونمشي سوي
انا : لالالالا انا همشي بعد اذنك سلام
طبعا الكل استغرب والكل كان باصص بتعجب بس اللي محدش يعرفو اني كنت شايف واحد جو القبر مع التربي بيبصلي بغضب وماسك رجلو المكسور وسامع صوت ف دماغي بيقول
كسرت رجلي …كسرت رجلي …انا هوريك العذاب الوان كسرت رجلي
انا فضبت اجري اجري عايز اخرج من المقابر دي باي شكل بس انا توهت مش عارف اخرج وفجاة ظهر تاني نفس الراجل وكان بيعرج قدامي ونفس الغضب علي وشة وصوتو ف دماغي
هكسرلك رجلك زي ما كسرت رجلي مش هتعرف تمشي تاني
هكسرلك رجلك زي ما كسرت رجلي مش هتعرف تمشي تاني
انا اتخشبت مكاني وفجاة شوفت ابواب المقابر كلها بتتفح والاموات كلهم بيخرجو منها رجالة وستات واطفال كلهم بيقولو ف نفس واحد العين بالعين العين بالعين القصاص اكسر رجلو اكسر رجلو ..
فجاة صحيت من النوم لقيت نفسي نايم جنب قبر ولقيت حسن التربي واقف جنبي وبيقولي
حسن التربي : انت فين يا استاذ دا استاذ مجدي بقالو اسبوع بيضور عليك
انا : نعم !!! اسبوع اي يا راجل يا متخلف انت انا مش كنت معاك امبارح بندفن ابوة
حسن التربي : امبارح مين ؟ يا استاذ الكلام دا من الاربع اللي فات النهاردة الثلاثاء
انا : اي انت بتقول اي عايز تقول اني بقالي اسبوع فى المقابر هنا ؟؟
حسن التربي : لا حول ولا قوة الا بالله شعرك مالو ابيض كدا لي يا استاذ دا اكن عندك 70 سنة
انا : بحزن وقهر انا عايز اروح بعد اذنك خرجني جيت اقوم لقيت نفسي بقع رجلي الشمال مش حاسس بيها اكنها مكسورة !!
الحقني يا عم حسن دا كسر رجلي زي ما كسرت رجلو الحقني
حسن التربي : هو مين دا يا بني لا حول ولا قوة الا بالله خليك مكانك استني هنادي الواد الصبي يشيلك معايا
فعلا جم شالوني وركبت تاكسي وروحت المستشفي وهناك كانت الصدمة
الدكتور : بصراحة انا مستغرب حالتك جدا يا والدي عضم رجلك اكنو بيتحلل رجلك محتاجة عمليات شرايح ومسامير عشان تقدر تمشي عليها تاني
انا : والدك مين يا دكتور انا عندي 35 سنة انت لي بتتكلم معايا اكني 80 سنة عظــــــــــــام القـــــــــبور
الدكتور : اي ؟ اصل شعرك كلو ابيض ووشك يدي السن دا الحقيقة
انا : لو سمحت انا عايز مراية
وهنا كانت الصدمة ………
نهاية الحلقة الاولي من عظام القبور عظــــــــــــام القـــــــــبور
