عقبال عندكم جميعا فرح ابني غدا الحمعة بقاعة جار القمر بالروضة
ابني عريس
وسع وسع وسع وسع
ابني عريس وعايز يتدلع
ايوه د جان وعروسه جنان
والحاسد عينه هتتقلع
ارقص يازياد وافرحوا ياولاد
واوعاك ياحسام منهم تخلع
أحمد ومنار كانوا قط وفار
والوقتي عيونه ليها هتدمع
أما اختي الغالية دي حمات ابني
وأمه التانية وعزولنا يفرقع
ويولع
أحمد ده أخويا وجوز اختي
اللي ف أخلاقه شرفه مسمع
والله عيلتنا كده اكتملت
من كتر الفرحة عيني بتدمع
افرح ياعريس ويانا كده هيص
واياك تخلع
الكل معاك ملفوف حواليك
اوعاك ترجع
واعمامك هنا جيا تهنيك
وبيقولوا عليك كده واد مجدع
واوعى تزعلها خليها في عنيك
لتقوم الصبح تلات تربع
أنا قولت اكتبلك وافرح بيك
وكمان أوعيك يمكن تسمع
بقلم فهمى محمود حجازي
