كلمة شكر وتقدير لمحافظ السويس… قاهر الفساد وحامي صحة المواطن

كلمة شكر وتقدير لمحافظ السويس… قاهر الفساد وحامي صحة المواطن

بقلم: وفاء عبد الغفار

من زمان وأنا بنادي وبقول إن مباحث التموين لازم يكون ليها دور حقي في الشارع السويسي، دور يحمي بيوت الناس ويحافظ على صحة أولادنا. كنت بقول إن اللي بيبيع لحوم فاسدة ودجاج ميت وكل أشكال الغش دي لازم يتحاسب، ومينفعش نسكت على استهتار بأرواح المواطنين.

والنهاردة بشوف بعيني إن النداء ده اتسمع، وإن الدور ده قام بيه راجل محترم بيشتغل بصمت وبيتحرك بسرعة.

شكراً للسيد  اللواء أ.ح/ هاني رشاد  محافظ السويس  اللي أثبت إنه راجل مبيهابش الفساد ولا بيسكت عليه. حملات متتالية، ضربات موجعة لتجار الغش، ومصادرات للّحوم الفاسدة والدجاج الميت وكل ما يضر صحة المواطن السويسي.

حضرتك مش بس مسكت قضايا فساد كتير، حضرتك رجّعت للناس الإحساس إن فيه حد خايف عليهم، وحد واقف في وش اللي بيستغلوا حاجة الناس ويتاجروا بصحتهم.

ده اللي كنا بنتمناه… محافظ بيتحرك، ومسؤول بيعتبر صحة المواطن خط أحمر.
ومن هنا بقولها بكل وضوح: السويس محتاجة رجالة زي حضرتك معالي  اللواء أ.ح/ هاني رشاد   رجالة بتشتغل وتخاف ربنا قبل أي حاجة.

تحية تقدير واحترام لمحافظ السويس “قاهر الفساد”، وللأجهزة اللي شغالة معاه.
وربنا يقويك وتكمل مسيرتك في تنضيف البلد وحماية أهلها.

كلمة شكر وتقدير لمحافظ السويس… قاهر الفساد وحامي صحة المواطن